Andlitsmyndaleit hjá Google

Mér er fúlasta alvara. Google er búið að bæta Face recognition við myndaleitina hjá sér. Þetta er ekki orðið opinbert, enda á tilraunastigi, en er samt sem áður opið öllum. Gerum tilraun. Venjuleg myndaleit að "London" skilar eftirfarandi niðurstöðum (á myndinni eru birtar íslenskar niðurstöður - ræðst af því hvernig Google er stillt hjá þér):


Bættu nú við leitarstrenginn eftirfarandi viðbót og ýttu á Return hnappinn: &imgtype=face




Niðurstöðurnar verða nú þessar (á myndinni eru birtar íslenskar niðurstöður - ræðst af því hvernig Google er stillt hjá þér):


Google er svo sannarlega magnað fyrirtæki. Njótið!

Athugasemdir

[Gunnar Freyr Steinsson, 31.5.2007 kl. 11:17]

Og ég sem ætlaði bara að ýta þessu út af borðinu eins og hverju öðru gömlu aprílgabbi.  Þetta er bara snilld.

[Kallaðu mig Komment, 31.5.2007 kl. 11:29]

Ég hélt það sama, þegar ég rakst á þetta. Þetta eru snillingar hjá Google!

[Eva Þorsteinsdóttir, 31.5.2007 kl. 13:25]

Hehehe....

[Kallaðu mig Komment, 31.5.2007 kl. 13:48]

Fólk er alveg hætt að taka mark á mér! Mér líður eins og drengnum sem hrópaði úlfur, úlfur... En þetta er ekkert grín. Ég er búinn að bæta við beinum tenglum í færsluna, til að það sé auðveldara að sjá þetta strax. Ýmis forrit nota svipaða tækni til að greina andlit á myndum, t.d. myheritage.com, en það er frábært að þetta sé komið í Google leitina.