Misskilningur

Jóhanna Vala samsamaði sér vel, brosti fallega og tók sig vel út á sviðinu. Ég náði í lokin á þessu og sá ekki betur en að hún ætti sigurinn fyllilega skilið. Það væri hinsvegar eðlilegra að tala um sýningu frekar en keppni. Hér er verið að sýna eitt form fegurðar og ekkert út á það að setja. Fólk var hvorki neytt til að taka þátt né að horfa á þetta, svo ég best viti. Keppni felur hinsvegar í sér átök, að keppendur leggi hart að sér. Ég er ekki viss um að það að gæta að mataræðinu, liggja í ljósabekkjum og reyna að mismæla sig ekki sé nóg til að réttlæta að kalla þetta keppni. Þetta er hinsvegar ekkert verri skemmtun fyrir vikið. Til hamingju Jóhanna Vala. Þú ert sæt og nú hefurðu það skjalfest.

Jóhanna Vala er ungfrú Ísland

Athugasemdir

[Eva Þorsteinsdóttir, 26.5.2007 kl. 17:45]

Og kórónu til að sanna það......

[Guðrún Magnea Helgadóttir, 26.5.2007 kl. 19:19]

Flott stelpa sem hafði mikla yfirburði

[Solveig Pálmadóttir, 26.5.2007 kl. 22:50]

Áberandi fallegust, með mikla útgeislun.

[Benedikt Halldórsson, 27.5.2007 kl. 03:10]

Sjálfur er ég alltaf kominn á fremsta hlunn með að gagnrýn keppnina sem slíka og bla, bla, bla eins og gengur en þegar valið hefur farið fram, verður maður kjaftskopp....og ekkert verður úr bla balinu...það var sagt að rónarnir kæmu óorði á áfengi, en sama átt en í öfugri röð þó gefa stúlkurnar keppninni hf, afar góða gæðavottun en þá er allt púður úr nöldrinu og það eina sem maður getur sagt er; til hamingju með titilinn Jóna Valdís.

[Hvundagshetjan, 27.5.2007 kl. 09:07]

sæt stelpa, að mínu mati er samt alltaf best hvað þær verða allar góðar vinkonur stelpurnar sem taka þátt í keppninni.

[Kallaðu mig Komment, 27.5.2007 kl. 12:07]

Hetja: Að sama skapi finnst mér alltaf svo sætt hvað þið eruð miklir vinir, strákarnir í fjármálaheiminum. :-)

[Sigrún Þöll, 28.5.2007 kl. 19:12]

Hvað meinaru!.. Það er geðveikt erfitt að vera svona sætur.. pældíþí hvað er ógisslega vont að fara í hárlengingu.. *pængítyggjókúlu* Horfiruekkiá American Next top model! gerðu það! þá skillr þetta! Svo er þetta líka keppni um hver getur staðið lengt úti í frosti án þess að fá kul! Hrikalegatöff að vera módel á Islandi! þúst kuldinn! Og svo er líka fullt sem þú veist ekkert um.. eins og hver er með stæstu blöðruna á tánni! hlustaðr aldrei á öskubusku þaddna! sumar misstu tærnar...

Þetta er keppni!

thihi........ Stundum er líka ekkert að marka það sem ég segi :)