Samanburður á stefnuskrám flokkanna

Helstu niðurstöður úr ítarlegum samanburði mínum á stefnuskrám flokkanna:

• Stefnuskrá Samfylkingarinnar bragðaðist best. Pappírinn leystist fljótt og vel upp og skráin rann ljúflega niður. Mér er hinsvegar hálfbumbult.
• Stefnuskrá Framsóknarflokksins var prentuð á dýrasta pappírinn.
• Íslandshreyfingin prentaði ein flokka á endurunninn pappír.
• Stefnuskrá Vinstri-grænna var erfið aflestrar. Rautt letur á grænum grunni er afleitt, sérstaklega fyrir lesblinda.
• Stefnuskrá Sjálfstæðisflokksins stóð sig best á skutluprófinu. Hún flaug lengst.
• Stefnuskrá Fjálslynda flokksins var ódýrust, enda prentuð í Póllandi.

Stefnuskrár flokkanna bornar saman

Athugasemdir

[Sigurgeir Orri Sigurgeirsson, 22.4.2007 kl. 18:28]

Góður. En má ég kalla þig Benedikt?

[Kallaðu mig Komment, 22.4.2007 kl. 21:02]

Þú mátt kalla mig hvað sem er Orri minn, en ég hef aldrei verið kallaður því nafni áður. Eruð þið annars búin að skíra?

[Sigurgeir Orri Sigurgeirsson, 22.4.2007 kl. 21:56]

Ah, nú veit ég hver er hér á ferð, það var nl. Benedikt sem sást á erlendri vefsíðu sem þú kræktir á, Wulffmorgenthaler.

[Kallaðu mig Komment, 22.4.2007 kl. 22:45]

Einmitt! Rak augun í það líka. Vinsæl síða meðal Íslendinga. Við erum svo trufluð.