Gullkorn frá guðföður grínsins

Sem inngang í vikuna þá hef ég tekið mig til og snarað fyrir ykkur á okkar ylhýra nokkrum gullkornum frá Groucho Marx, manninum sem veitti grínurum á borð við Woody Allen innblástur.

• Aldur er ekkert merkilegur. Allir geta orðið gamlir. Það eina sem þú þarft að gera er að lifa nógu lengi.
• Skál fyrir eiginkonum okkar og kærustum... vonandi hittast þær aldrei.
• Sendu 24 rósir upp á herbergi númer 424 og skrifaðu: 'Emilía, ég elska þig' á bakhlið reikningsins.
• Ég gleymi aldrei andliti - en í þínu tilviki ætla ég að gera undantekningu.
• Þeir sem segist sjá í gegnum konur eru að missa af miklu.
• Ef þú vilt komast að því hvort að maður sé heiðarlegur, spurðu hann. Ef hann svarar játandi þá veistu að hann er óheiðarlegur.
• Sjónvarp hefur mikið menntunargildi fyrir mig. Þegar það er kveikt á því, þá fer ég yfir í næsta herbergi og les bók.
• Þetta eru mín prinsip! Ef þér líkar ekki við þau, þá á ég önnur.
• Hún hefur útlitið frá föður sínum. Hann er lýtalæknir.
• Fimm ára barn skilur þetta! Sækið fimm ára barn strax!
• Hjónaband er helsta orsök skilnaða.
• Ég gleymi ekki fyrstu kynlífsreynslu minni - ég geymi kvittunina.
• Mér líður ekki vel - hringdu á næsta golfvöll eftir lækni.
• Í Hollywood heldur brúðurinn vendinum en losar sig við brúðgumann.
• Maður ræður ekki örlögum sínum. Konan manns gerir það.
• Næst þegar ég sé þig, minntu mig á að tala ekki við þig.
• Hverjum ætlarðu að trúa, mér eða þínum eigin augum?
• Í gærkvöldi skaut ég fíl í náttfötunum mínum. Hvernig hann komst í náttfötin mín hef ég ekki hugmynd um.

Athugasemdir

[Hammurabi, 30.4.2007 kl. 14:22]

"Ég myndi ekki vilja vera meðlimur í félagi sem vill hafa mig sem meðlim."

[Kallaðu mig Komment, 30.4.2007 kl. 14:29]

Líklega hans þekktasta tilvitnun. Hún er líka ein þeirra sem Woody Allen hefur tekið upp á arma sína og notað óspart.

Hvað á það annars að þýða að koma ekki fram undir nafni?

[Sigurgeir Orri Sigurgeirsson, 30.4.2007 kl. 19:50]

„Annað hvort er þessi maður dauður eða úrið mitt er stopp.“

[Egill Harðar (IP-tala skráð) 1.5.2007 kl. 10:51]

Hann fer klárlega á toppinn yfir kónga tilvitnanna og er það ekki auðvelt verk.

[Kallaðu mig Komment, 1.5.2007 kl. 11:48]

Gaman að sjá að fleiri kunna að meta hann.  Ég var einmitt að bæta við einum klassíkernum í viðbót við færsluna.

[Ísak (IP-tala skráð) 1.5.2007 kl. 13:44]

Síðasta tilvitnunin er röng. Svona er hún réttari:

"Í gærkvöldi skaut ég fíl í náttfötunum mínum. Hvernig hann komst í náttfötin mín hef ég ekki hugmynd um."

[Kallaðu mig Komment, 1.5.2007 kl. 14:55]

Ísak: þín útgáfa er betri og er komin í stað hinnar. Takk.

[Ísak (IP-tala skráð) 1.5.2007 kl. 15:07]

Ekkert að þakka. Játaðu það bara...þú fæddist mjög ungur. ;-)

[Bjarki Tryggvason, 1.5.2007 kl. 15:10]

Þetta er eitt skemmtilegasta blogg sem ég hef lesið:) og þessi með "Maður ræður ekki örlögum sínum. Konan manns gerir það." Mikill sannleikur þar á ferð:) Eins og vinur minn orðaði það við tíu ára son sinn sem vildi vera úti eftir tíu. "Við skulum hafa það á hreinu hver ræður á þessu heimili! "Það er hún mamma þín". Kv, Bjarki

[Kallaðu mig Komment, 1.5.2007 kl. 15:16]

Takk fyrir hrósið Bjarki! Sagan þín er líka algjör snilld. Ég hló svo hátt að mig verkjar. Ég vona bara, vinar þíns vegna, að strákurinn hafi ekki gert það líka!